32歲港姐冠軍公開被黃秋生狠批戲屎　9年後親解原因大方認係污點

32歲前港姐冠軍陳凱琳（Grace）在無綫（TVB）拍戲期間常被指演技差，2015年拍《張保仔》時更被影帝黃秋生公開批評，戲中多小動作感覺很滋擾，只看了半集已經熄電視。近年陳凱琳已棄影，轉型做人妻KOL，不時拍片分享下廚片段。日前她再與好友拍片，竟大方提起這段往事。

直播期間，有網民留言提起鍾意陳凱琳在《張保仔》戲中角色，陳凱琳聽後竟揚言：「呢個係我人生嘅污點。」之後未知是否擔心講得太盡，又加多句：「講笑！」但陳凱琳主動提起拍劇往事，她指《張保仔》是第一次擔正演女一的劇集，拍劇時間趕急，「拍咗6個月，因為我真係完全唔識做戲，冇學過冇演過啦！但就日日Chur（趕工）50個鐘，50個鐘冇瞓覺拍埋呢套劇。」陳凱琳又指當時是廠景及外景輪流拍，相當不易。

陳凱琳承認當時表現「我係完全唔合格嘅。」幸而小朋友觀眾好鍾意，她笑言：「即係佢覺得我當自己係一個卡通人物去做，但我冇，我係實做嘅，大家覺得好Cute，咁就算啦！」