郭珮文與男友人同行WATERBOMB TVB最強body即將封盤?
撰文:林得懿
出版:更新:
一連兩場嘅「WATERBOMB HONG KONG 2024 」吸引不少藝人入場,尤其第二場壓軸登場嘅Rain,當中包括MIRROR嘅Stanley、無綫「最強body」郭佩文等。
郭珮文(Juliana)身材出眾,經常在社交平台大派福利,毫不吝惜展示其「最強Body」,昨晚(3日)見她在WATERBOMB場內以白色比堅尼上陣,外搭一件透視上衣,身材之澎湃,吸引了不目光,而與郭珮文同行嘅四眼男,身穿黑色上衣,打扮十分低調,二人在場內不時有講有笑,但未見有親密互動。
原來「四眼男」係喺「福祿壽訓練學院」中扮過「HK Mr. Bean」嘅黃潤成,39歲嘅佢除咗係TVB藝員之外,亦創辦了Sbeat Studio Ltd,涉足鼓教育及室內設計裝修業務。由限動所見,當日同行嘅仲有尹詩沛、吳子冲、陳蕊蕊。
郭珮文年初時曾暗示自己無拍拖,但拒絕透露單身多久,「到咗呢個年紀,溝通緊嘅對象都有嘅,暫時未有對象。」又話擇偶條件係心地善良同包容自己,未知佢當時口中所講嘅「溝通緊嘅對象」,是否就是「四眼男」。