【賭城群英會】高海寧水著終於出街　王晶必殺技嬉水玩足4分鐘

TVB劇《賭城群英會》自播出以來一直話題多多，先有陳百祥陳法蓉過百歲傾城之吻，又有老戲骨劉兆銘出場。可是這些場面，反應都好似一般。而作為監製的晶哥，一直以來除了有賭作為特色之外，美女與泳池這些元素一定少不了。話說出街之前，預告片已經見到高海寧出水芙蓉的畫面，令觀眾一直都引頸以待。

直到昨晚那集，最期待的畫面出現了，高海寧、何浩文、文凱玲及黃浩然在泳池嬉水，先由高Ling一個在水底彈起畫面開始，然後四人就你潑下我、我潑下你，睇到都點滴透心涼，然後四人就在池邊傾偈。喺TVB見到呢種畫面，還要為時幾分鐘，的確很少有，不過有晶哥就有養眼位，總算沒有令觀眾失望。所以昨晚劇集出街之後，有網民臭言：「睇到都唔記得咗個劇情講咩。」、「今集真係睇到抵返晒」，不過都有熟悉晶哥作品的網民見到文凱玲與何浩文，就覺得池邊那場戲：「好似睇緊《鴨王》」，仲反問網友有冇眼花。

高海寧就話為拍這場戲，特意去減肥，有３個月只吃烚雞、烚菜，她坦言這套戲她所展現的身形是史上最瘦：「係我人生最fit嘅時候」至於泳衣look成為整套劇的焦點，她都多謝如此抬舉她，但同劇都好多嘢睇，未必只聚焦她一人。