港姐12強誕生　有一半唔明點解會入圍？

《2017香港小姐競選》搞咗兩輪飾選，噚晚終於出咗最後12強，其中幾位大熱人馬都順利入選，包括Nicole Wu、Kelly Ng同埋張寶欣（Boanne Cheung）呢三個，再睇返其他入圍佳麗，正常啲嘅只有Regina Ho同埋Sandy Leung其他如Suki Wong、Nicole Kam、Emily Wong、Angela Lau、Mandy、Katrina、海外佳麗Juliette睇個樣好似都唔係好夠班喎。

講返三甲，如無意外的話都係Nicole Wu、Kelly Ng同張寶欣3個大熱入選，佢3個有氣質、外流回港有學識、家境算好。至於到時選戰最後5強，好大機會加埋Regina Ho、Sandy Leung同埋Juliette呢3個爭奪剩餘兩個位置，Juliette主要都係因為佢名氣大，又係海外選美回流參加，之前做過模特兒拍過唔少廣告先預埋佢一份。至於其餘６個人，如果只係以樣貌嚟講，真係諗極都唔明點解會入圍，始終以第二輪61人入選的靚女大有人在，俾外界力捧的準人妻Angela Ng，樣貌出眾帶本土味的Elsie，同麥明詩一齊學戲的Zoe To，有「翻版衛詩」之稱的Kristy Chung，甚至連第一round就已經出局嘅Lily So、Ashley的樣子都會比這6個好。不過之前都講過，選港姐唔係剩係睇樣就可以，仲要綜合好多嘢，所以你都好難猜測無綫高層嘅意思。