陳展鵬單文柔終於有合照 緋聞女友甜笑：有時間會約出嚟！
撰文：郭敏玲
出版：更新：
緋聞情侶陳展鵬與單文柔今日終於首度一齊合照！問到這個「歷史性的一刻」是否意味了公開關係，單文柔說：「冇啊，就係代表今日有公開活動。（但咁多人唔影，剩係影你哋喎。）咁之前大家都話冇機會一齊做個訪問嘛，咁今日有機會。」單文柔笑言面對如此場面超級緊張：「未試過咁多人圍住，不過都OK嘅，學佢（陳展鵬）話齋，娛樂下大家。」
早前單文柔被傳懷有身孕，她笑言：「其實係因為我肥，嗰時女仔某啲日子，又好急住去廁所，趕住做訪問，所以搞到好似有咗，張相攞嘅角度又咁好。（展pang有冇叫你減肥呀？）佢有建議我去做下運動，行下山，我都學緊幾種新嘅運動。（會唔會同佢一齊去呀？）有時間咪一齊去，冇時間就同朋友行下囉。」
問到與陳展鵬來往甚密，單文柔就反問：「見得密唔密嘅定義係咩先？」後來她笑言冇得用一星期幾多次咁計：「有時返工都唔知自己schedule，有時間咪會約出嚟。（會唔會日日搵對方傾偈？）有需要就會囉。（咁每朝起身會唔會第一時間搵佢講早晨？）我會食咗早餐先，好肚餓。」單文柔表示與陳展鵬是好朋友：「大家咩都會傾下，有時好無聊嘅都有傾，食嘢呀、fashion都會傾。」不過單文柔第一時間就是要減肥，瘦咗包包臉佢。
至於麥明詩近期就被人話在《賭城群英會》演技差，她坦言自己沒有太留意網友評價，當初預咗被人話戲屎，到真的被人話做得差，麥明詩非常淡然地說：「都正常嘅。」後來就話這是她第一套劇：「其實真係會好緊張，希望之後會再好啲。」她講到自己主持的新節目《後生仔傾吓偈》今晚出街，她說：「都係講下男歡女愛、土地問題。（兩者有咩關係？）拍拖會煩買樓，有土地問題就係連拍拖嘅空間都冇。（係咩空間？）好似時間呀、去邊呀都會冇。」她大爆一同主持的馮盈盈講嘢好爆，叫大家睇。