拍檔廚房｜滕麗名上節目前搵師傅學刀功起雞殼：唔可以錯
撰文：吳子生
出版：更新：
小方（方力申）和滕麗名（阿滕）今日（21/5）以現身將軍澳電視城出席無綫新節目《拍檔廚房》錄影。節目主持小方受訪時大讚阿滕做事上心認真：「記得早兩日開廠，佢已經嚟咗偷師睇吓啲評判鍾意啲咩口味，同埋鍾意啲咩菜式，佢已經做晒功，加上佢仲有搵師傅苦練刀功起計雞殼，真係不得了。」
阿滕笑言：「其實我都係搵師傅學咗兩堂，始終我覺得煮嘢食，刀功都係好緊要，尤其起雞殼係唔可以錯。而今次整嘅餸都家常便餸嚟嘅，但我老公都只係食過我整嘅實驗品，就係3隻雞殼用嚟煲湯，佢飲嘅時候竟然問我點解6隻雞腳，咗我就同佢解釋，我試驗完之後，嗰3隻雞殼咁梗係用嚟煲湯。（好補身！）即刻流晒鼻血。（成晚咪瞓唔著？）哈哈，冇啲咁嘅事。」