79歲《古惑仔》男星近照竟現驚人痛風石　曾中風兩度患癌拐杖出行

現年79歲的武打影星陳惠敏在2020年中風兼患有肺癌，近日又自爆三年前再患上腦癌，幸好康復情況理想。近半年又到雙腳出現問題，更要做髖關節手術，出行都要靠拐杖。

陳惠敏近年不時前往內地，近日到成都食飯，出行極大陣仗，左右均有大隻保鏢護持，相當犀利。陳惠敏撐拐杖緩緩行入鋪頭，不見病懨懨，精神不俗，仲同大家打招呼。

陳惠敏食得行得，食飯時仲比手指公大讚好食。不過有網民就留意到陳惠敏手指關節腫起，大讚他後生拳腳勁，有人就更正指那是「痛風石」。