倪晨曦自爆下月中預產期 陀B暴肥24磅：好似唞唔到氣
撰文：吳子生
出版：更新：
倪晨曦（Elva）昨日（2/5）陀B現身中環出席著名品牌活動。提到下個月便是預產期，Elva接受《香港01》訪問時笑言：「好期待呀！不過而家好似唞唔到氣嘅感覺，我有咗之後我重咗成11kg。因為之前個肚冇去到咁大，咁你個人行路嘅時候係唔覺有問題，但而家我係會行行吓會感覺到有陣時係行得到快，再加上呢排天氣好濕又落雨，變咗係有少少唞唔到氣嘅感覺，咁所以我係好期待下個月嘅蒞臨。」
Elva又指今次是第三胎，相比之前現在心情放輕鬆多：「我到而家走佬袋我都未執，始終有咗兩次嘅經驗，心情冇咁緊張，就算突然要生得入院，一定冇之前咁手忙腳亂，始終你係會知道有咩用品自己係會真正用得到，同埋邊啲嘢係心理上去安撫吓自己咁。」