玩盡澳門無限FUN｜陳楨怡讚林正峰暖男幫手拖喼 何沛珈問點解...
撰文：吳子生
出版：更新：
林正峰、陳楨怡及何沛珈今日（30/4）齊齊現身中環信德中心出席《去澳門·葡一葡：葡轉澳門無限FUN》啟動禮。林正峰提到早前為無綫節目《玩盡澳門無限FUN》爬鐵塔頂，要克服心理恐懼相當困難，未能夠完成創舉感到可惜：「因為真係好高，而且又喺個塔嘅外圍再加一條繩拉住自己，心理障礙非常之大，變咗真係需要好大勇氣。雖然係完成唔到，但好似行完咁成個里程碑，就好似達成咗一樣咁。」何沛珈接著笑說：「佢達成咗一樣嘢就係變成『爬塔真的漢子』」。
陳楨怡大讚林正峰在節目中是一個大暖男：「佢好好，佢會幫我哋推行李，佢會照顧我哋。」此時，何沛珈插嘴說：「係咩？點解我冇嘅？」林正峰面露尷尬說：「咁咁⋯⋯男仔嚟，正常發揮，呢啲場合係要拖吓喼嘅。」何沛珈接著說：「其實我哋都形成咗個默契，有啲人睇咗我哋個節目，覺得我哋呢三個嘅組合好新鮮，出到嚟嘅效果都幾搞笑。」陳楨怡表示認同：「啲網民好鍾意睇我哋兩個女仔蝦林正峰，佢係好受落。」