林俊傑現身F1賽車上海站　限量名錶碾壓小米集團董事長

林俊傑（JJ）上月喺新加坡朝聖美國歌后Taylor Swift演唱時，意外曝光全球限量75隻嘅RICHARD MILLE RM 47， 價值約為8百萬港幣，當時已經有網友指佢將「豪宅」戴上身。

日前JJ現身世界一級方程式（F1）賽車上海站，身為觀眾嘅佢，身穿卡奇色外套、漁夫帽、黑色長褲，看似低調，不過佢手上嘅 RICHARD MILLE又再刷新佢嘅財力，呢隻由RM與Ferrari聯名嘅腕錶限量150隻，全錶厚度僅1.75毫米，官價為1.6千萬人民幣（約1.76千萬港元），而同場嘅林志穎雖然都係戴RICHARD MILLE，售價約為3.5百萬人民幣，而小米董事長雷軍所戴嘅小米智能手表，約為8百人民幣，普通打工仔都可以買得起。