已故粵劇名伶新馬師曾3兒女激罕同場　曾為爭產與母親對簿公堂

慈善伶王新馬師曾（祥哥）於1997年4月21日病逝， 愛徒曾慧在師傅離世27周年的日子，舉辦紀念演唱會，邀請同門師兄弟彭熾權、黎駿聲、麥嘉聯同自己愛徒進行兩晚演出，而祥哥的三名仔女鄧兆尊、鄧兆榮同鄧翠玉（鄧小艾）都鮮有合體現身支持兼且上台獻聲，而鄧碧玉就不見身影。

鄧兆尊、鄧兆榮、鄧翠玉（鄧小艾）和鄧碧玉曾因為爭產一事對簿公堂，但其後關係總算和解，洪金梅（祥嫂）臨終前亦獲四子女都陪她走最後一程。鄧翠玉講起往事指：「當年好開心，好曳，可以點玩都得，但大忌係有個神功箱，女仕係唔坐得，我就唔知道，坐咗上去，跟住畀人鬧，我就同老豆講，老豆就走去鬧嗰個人，你鬧我個女我就唔做。」

身邊的大哥鄧兆尊接住講道：「寶貝女真係寶貝女，我就通常有份客串，所以就喺另一邊化妝，所以有乜事我阿爸幫佢就唔幫我。」鄧兆尊更向曾慧自薦若果將來有演出可以找他演，因為他都有演出經驗。據傳祥嫂遺下15億身家，四名仔女早已生活無憂。