41歲「晶女郎」文凱玲剛貴氣出嫁原來係雙喜臨門 宣布成功追龍B
撰文：洪曉璇
出版：更新：
恭喜恭喜﹗41歲「晶女郎」文凱玲（Connie）3月中，與拍拖五年的圈外男友Jason拉埋天窗，在五星級酒店筵開23席，原來2人更是雙喜臨門，Connie宣布成功追龍B﹗
「晶女郎」文凱玲滿身金器星級酒店貴氣出嫁 手上巨鑽婚戒勁養眼
「晶女郎」文凱玲封盤3月嫁作人妻 先後換2套婚紗拍攝曬絕美身形
Connie公開近照，貼身連身裙見到已明顯見肚，上圍更見豐滿不少，她開心表示：「由細到大都好鍾意BB ，細個仲諗18歲就要生第一個，結果28歲38歲都未有。幾年前訂婚之後就已經開始計劃生BB，但係又諗住想結咗婚先，因為疫情同工作關係一等又再過咗幾年。」
上月結婚時仍fit到爆的Connie，原來已懷孕7個月，預產期在今年7月﹗：「最近個肚越嚟越明顯，好多人恭喜我嘅同時亦會問點樣備孕。聽好多人話唔係想有就有，所以籌備婚禮嘅同時亦都開始造人計劃，結果好快就有好消息！屋企人都好開心，阿媽成日都煲湯俾我飲，奶奶準備咗好多BB衫同書。」