圈中孝順仔為父背債700萬　免拖累女友提分手︰同佢講鍾意咗第2個

現年40歲的黃又南最近鮮有新作與大家見面，不過他最近就到YouTube頻道《暴走Joke》與主持王心兒做一日限定情侶，期間更提到當年曾為父背債700萬，更逼不得已與當時的女友分手！

目前單身的黃又南明顯比以往圓潤不少，他提到因為自己做呢行，另一半要承受不少無形的壓力，更提到自己當年幫爸爸還債：「我曾經是很喜歡一個，一齊拍咗拖好耐，但因為我知道我要一直還債，其實畀唔到啲咩好嘅生活佢，我係夾硬同佢講我鍾意咗第二個，好心痛。」黃又南是演藝圈出名的孝順仔，當年他在北京電影首映宣傳活動中突然暈倒，才爆出他為了幫爸爸還債，狂接電影武打Job，將收入的七成用來還錢，每月限自己只用2500元，很多時候都沒錢吃飯。

事源他組隊Shine之後一年，爸爸的印刷廠被走數，欠債約700萬，他說：「我講過，爸爸你不要覺得是一個負累，你曾經給我很好的生活，我覺得我的家人壓力更大。」即使再苦又南從未有埋怨過父親，終於在09年還清債務，工作又開始漸漸上軌道。