【打工捱世界II】楊明打工執牛屎起屋：臭到我俾人嫌棄

「鬼叫你窮吖，頂硬上。」相信係好多人嘅心聲。香港地打工唔易就係人都知，趕project、追數、俾老細鬧呢啲少不免。但是估不到其地國家打工都不相伯仲。7月3日起TVB開始有《打工捱世界II》的節目，節目中袁偉豪、楊明做一個打工仔的角色，在威尼斯以及非洲國家坦桑尼亞捱世界。

非洲坦桑尼亞聽就聽得多，莫講話打工，去都未必去過。預告片中楊明更加要執牛糞起屋，「打工吖嘛，冇好日子過。我們去到當地村落，他們屋企的牆是用牛屎做的，我要幫手攞兩桶牛屎，所以就要執牛屎。」牛屎話明係屎，就梗係臭啦！當事人楊明接受《香港01》訪問時說：「牛屎我諗有十級臭，佢直頭係攻鼻，攻到我作嘔。都唔使執完先嫌棄，他們在我執緊嗰時就已經嫌棄，揸機、導演、監製離我九丈遠。我已經用紙巾塞住個鼻，用口抖氣都feel到佢攻鼻。」

雖然楊明全程都有張寶兒陪住執屎，但是他似乎對這個安排不太心足，他開玩笑的說：「Bowie（張寶兒）嚟到仲要點我哋做嘢㗎。所以佢就歎世界啦，我哋依然俾人點嚟點去。」節目中的客串嘉賓張寶兒雖然沒有參與其中打工，但當時也有在旁加油打氣，她說：「我冇一齊執㗎，我在節目的角色是遊客加義工。不過當時我是望住他們執的。」她更形容當時情景是「好多屎，好多都好新鮮，成塊田咁。」嘩，真係唔使親身去都知有幾臭。

雖然楊明執牛糞執了一天，不過監製亦都十分「識做」。片尾都安排了張寶兒做「神秘禮物」，陪住２位猛男在海邊度假屋玩獎勵他們的辛勤工作，總算是有返啲安慰。Bowie還說最好玩的就是海邊度假屋玩的那日添。