王晶批梁朝偉演技過火 應該不領獎惹爭議 呂良偉：調轉佢會咁做

第42屆香港電影金像獎頒獎典禮日前圓滿結束，梁朝偉憑電影《金手指》擊敗其他對手，勇奪「最佳男主角」，第六次榮登影帝殊榮，但賽果卻引發網上爭議。資深導演王晶在微博上也發表了自己的睇法，批評梁朝偉在《金手指》演技過火，又認為梁朝偉應該主動宣布不再參與獎項角逐，將更多的機會留給年輕一代的演員。

呂良偉今日（16/4）現身太子老人院捐款活動，就事件接受《香港01》訪問時說：「偉仔嘅演技係公認，咁所以變咗各自努力，各自修行，向自己心目中嘅目標進發，我覺得係應該嘅。不過我就覺得晶哥就有佢自己嘅睇法，如果調轉佢會咁做囉。但每一個人嘅諗法同要求都唔一樣，我就覺得其所囉，最緊要大家喺呢行用咗心，去做好每一件事，口碑自然會出咗嚟。咁所以我就覺得我哋嘅演員向目標進發係一件好事嚟。（自己都好想有一日踏上金像獎舞台上？）其實我哋每位演員都有自己心目中嘅夢想，都有一座高山要去超越嘅，而我都係演員都好想有朝一日可以衝破自己嘅局限性。」