【任噏亂評‧港姐2017】邊71個被篩走？呢三個最值得復活

今日港姐第二輪複試，得返61個候選者，仲要有一個係空降加入，即是第一輪面試131個，有71個被淘汰，有人歡喜有人愁。上次亂評過（傳送門：/article/99506）會入三甲的Elsie Chan、Nicole Wu同埋Kelly Ng都成功入圍，至於12強入面竟然有三個入唔面第二圍，分別係Lily So，屈麗麗同埋Ashley，爭佢三個我就可以全中喇，真係唔抵！其實唔只佢三個，比較完入選咗嘅60位候選者，當中有幾個我認為都係有實力入圍，不過而家就先睇一睇究竟有邊71個被人叮走先喇！

排名不分先後，呢一組最值得留低係Shani Cheung同Linda Wong。

第二組，最值得留低有Lily So,Melody,屈麗麗,Gloria,Ashley，有成5個咁多。

第三組就少啲，只有黎穎珊,Winnie Mak比較值得留低。

至於第四組。。。評審完全正確！

去到最後一組開始有點看不下去。

雖然香港小姐被叮走咗就唔會有得復活，不過大家都可以幻想一下，如果有復活戰，邊個可以成功復活呢？當係幫一眾落選佳麗加油，下年再嚟過囉。首選嘅當然係Lily So，屈麗麗同埋Ashley喇，Lily樣子清純，講樣貌應該好過唔少入選佳麗，真係唔明點解會俾人Foul，不過港姐選嘅除了外貌仲要睇其他嘢嘅，可能佢口才唔好又或者無乜才藝喇。第二個屈麗麗，喺紐約返嚟嘅護士，英文應該唔差，雖然樣唔算係十分靚，不過都好過唔少入選者，出局又係一個謎。至於Ashley，其實都唔係第一次參加港姐，2015年曾經被人稱為「翻版黃榕」，選美經驗應該不用懷疑，樣子外型亦都唔差，今次俾人Foul出嚟可能都唔會再參加喇，唔通真係三顧草廬咩。其實除咗呢三個，Shain Cheung，Linda Wong，Melody，黎穎珊，Winnie Mak，這些都是漏網之魚，只有看回入選的佳麗，你就明白喇，至於我曾經估計的三甲人選，我是不會動搖，一定係，除非唔係。。。。。