黃美棋結婚「妹頭」盧頌恩講起玩新郎用脷舐蛋撻超興奮：畫面好睇
撰文：吳子生
出版：更新：
黃美棋和主持男友鍾健威（Ray)結束11年愛情長跑，今日（6/4）假西貢五星級酒店筵開35席舉行婚禮。並廣邀圈中好友一同分享喜悅。有份做兄弟姊妹團HOY TV一姐「妹頭」盧頌恩受訪時表示：「今次我哋係接新娘嘅環節度，加咗啲玩新郎嘅遊戲，就係要阿Ray要用條脷舐晒啲蛋撻，呢個遊戲係特別為佢而設，仲要佢限時舐晒佢，當時個畫面非常好睇，而佢都好快口咁食晒。」
黃芳雯接著說：「頭先令我最感動嘅時刻，就係見到一對新人斟茶比奶奶，因為我係睇住佢哋兩個一齊拍拖咗耐，今日能夠見證佢哋拉埋天窗我心情係好激動又好開心。」至於講到傳授生仔秘笈，黃芳雯笑言：「唔使啦，阿Ray年青力壯。（你又知？）哈哈，眾所週知佢係年輕力壯啦，哈哈！」