蔡雪瑩Po性感照不需經老公審批：呢個年代邊有咁封建

前無綫新聞女主播黃婉曼（Icy）和蔡雪瑩（Snowy）相隔十多年今日（21/3）再度合體為無綫全新節目《美食新聞報道》錄影開工。Snowy受訪時表示：「今次主要都係坐喺廠度，報道一啲香港嘅老店，同一啲特色嘅餐廳之餘，都係講吓啲人情味嘅故事比較多啲。」Icy接著說：「今次做呢個節目雖然唔使出去食住咁拍，但見到我哋嘅團隊走圍去捐窿捐罅搵唔同嘅特色美食，我係好開心。本身我係做過餐飲業，知道做餐業業唔係一件容易嘅事，同時見到介紹美食之外，仲要睇到唔同人有唔同嘅奮鬥故事，呢個都幾令人感動。」

Snowy早前在社交平台激罕曬比堅尼照，大騷玉背白滑美新腿相當吸睛。被問到Po相前是否需要老公批准？Snowy笑言：「本人嚟講身材又唔係好好啦，就冇乜微言嘅。不過我老公就冇話唔俾派嘅，呢個年代邊有咁封建嘅，而本身我哋又唔係行性感路線，我哋係行專業路線。」Icy就表示：「其實每個人性感標準都唔一樣，加上自己年紀又老咗，變咗如果要Po相，主要都係要靚。我都想返返去20歲嗰陣時，但返唔到，咁所以我覺得靚就已經足夠。」