中年好聲音2｜顏米羔晉身決賽不停裝備自己練氣：每日跳繩一個鐘

顏米羔今日（18/3）現身上水出席無綫歌唱真人騷《中年好聲音2》7強記者會。顏米高受訪時表示：「今次決賽當晚係會直播，變咗心情係有啲興奮，因為之前好多都係錄影比賽，咁直播係刺激好多，因為只得一次出街，但始終都有啲緊張，話晒都係直播，嗰刻得就得，嗰得就唔得，就冇得再嚟第2次。」

顏米羔續說：「今次我就揀咗一首比較難唱嘅歌，變咗我呢段時係咁不停咁去練氣，主要訓練都係跳繩，每日跳繩一個鐘，不停咁練習。（決賽前會否減少應酬？）啱啱過咗生日，而家都仲約到滿晒，都明白好多謝啲朋友咁支持我，但自己就好希望就啱好去到咁夜囉。始終都要應付比賽，都想keep好個狀態。」