林作不小心駕駛案裁判官延至3月10日沙田法院判決：意料之外

「香港抽水王」林作不小心駕駛案今日（24/2）於東區裁判法院續審，控辯雙方庭上結案陳詞，裁判官宣布將案件延至3月10日於沙田裁判法院判決。林作離開法庭時說：「我認為個官喺現場見到有咁多傳媒朋友，所以決定要諗得清楚啲寫得靚仔啲，亦都可能見慣我嘅作風，會堅持到底，變咗可能係咁，令佢要再多啲時間諗清楚。就可以證明個官有幾咁認真對待呢單案件，咁所以係我哋嘅法治之福嚟。而我亦到好樂意走訪各地嘅法院。今日冇裁決係我意料之外，但我都會輕鬆面對。」