韓國梨泰院人踩人過百死傷　港姐冠軍林鈺洧：睇完新聞有啲心悒

昨晚（29/10）韓國梨泰院發生人踩人事件，據韓國消防部門30日最新消息，事故已造成153人死亡，另有100人有不同程度傷勢，悲劇發生令人震驚。今日（30/10）2022年香港小姐冠軍林鈺洧（Denise）出席活動，接受《香港01》訪問時說：「睇完新聞有啲心酸，心悒。」

林鈺洧（Denise）接受《香港01》訪問時，表示自己很少在萬聖節出外玩樂，多數都是約朋友，提前幾日一齊穿起萬聖節裝束去主題樂園慶祝。她說：「怕多人呀嘛，萬聖節都係留喺屋企，通常都會預早幾日去玩鬼屋。我年年都鍾意扮南瓜，即係網上買嗰啲南瓜裝，冇其他造型。」有沒有其他性感造型？她回答：「性感嘅南瓜。」

日前發生韓國梨泰院人踩人事件，港姐冠軍林鈺洧說：「睇完新聞有啲心酸，心悒。」會不會有陰影不敢去韓國？她回答：「呢樣唔會嘅，就好似香港發生過人踩人事故，都keep有旅客嚟，我覺得唔影響嘅，只不過去玩去慶祝嘅時候都要小心啲。」