馬鞍山海濱長廊跳繩　竟遭管理員阻止　街坊：咁我可以做乜？

去年12月，任職小學老師的Jojo在下班後，4、5時左右，到家附近的馬鞍山海濱長廊跳繩。她選擇了長廊靠近樹蔭的位置跳，豈料突然有中年男管理員上前說：「呢度唔畀跳繩㗎喎。」Jojo當下氣在心頭，她形容該管理員態度不甚禮貌，彷彿她正在騷擾其他市民。她當下回應管理員：「我又唔係阻住人，嗰時已經好少人，大把細路喺度踩板啦，跳繩都唔畀？我又唔係開『行』音樂嘈住人，點解唔畀我跳？」

Jojo指，明明已經看清楚海濱長廊的指示牌中並沒有禁止跳繩，對管理員的指責表示失望。Jojo熱愛運動，幾乎每天都會到馬鞍山海濱長廊跑步半小時至45分鐘。夏天時，會先跑步再游水；因為冬天的馬鞍山游泳池會休館，Jojo近年才想到可以在長廊邊跳繩，邊欣賞吐露港風景。她亦有考慮到會否對其他使用者造成困擾，因為特意挑選樹蔭旁邊跳。

跳繩都阻到人？

現在重提被不禮貌地阻止跳繩，Jojo仍舊氣憤：「乜海濱長廊乜都唔比做嘅咩？呢度個牌只寫住唔畀做三樣嘢：踩單車、帶狗同食煙。我跳繩時條繩嘅孤度絕對冇揈（粵音：fang4）到任何人喎，你話我條繩長到勾到樹就話啫，跳繩咁健康嘅運動都唔畀，咁我可以做乜？淨係行同跑？我估佢係外判嘅，冇睇清楚啲規則就亂咁話人。」

康文署：職員及外判商要與市民良好溝通

康樂及文化事務署回覆：轄下康樂場地主要供市民作休憩及康樂用途，只要有關活動不會對其他場地使用者造成滋擾或影響，歡迎市民於場地內進行各式各樣的康樂活動，包括跳繩。如市民在場地內進行的活動對其他使用者造成滋擾或影響，本署職員或外判承辦商的護衛員會作出勸喻，以維持場地秩序。 康文署又指，已就上述事件提示場地職員及外判承辦商的護衛員在執行職務時，必須與市民保持良好的溝通，避免產生誤會。

Jojo沒有向康文署投訴，因為她認為回覆大同小異，只是希望透過反映不滿，鼓勵相關部門向外判工友發出較清晰的指引，避免有市民在不愔規條之下，被勸阻做本來可以做的活動，使海濱長廊的活動愈來愈單一。