杜汶澤為去沙灘做足準備　追擊陳奐仁變肌神：做唔到，我去死！

42歲的陳奐仁用10個月時間，以健身方法成功由肥仔變肌man，唔少網民都大讚故事十分勵志，而其中一位網民杜汶澤，日前佢都有轉載陳奐仁的健身片段，更表示「見到陳奐仁咁，你仲好意思偷懶咩？」，故事發展落去，就係杜汶澤宣布再次展開收身計劃。

杜汶澤於fb表示被陳奐仁的恆心同毅力感動，而曾為減肥界鉅子的他，近日因腸胃炎而腸胃炎，於是他決定趁機開始收身計劃。「不但要増肌，更要消脂！要做到之前做唔到嘅效果！」阿澤更預告今年夏天要以最fit嘅身形去沙灘曬太陽，仲話只許成功、不許失敗，「做唔到，我去死」玩到咁大，老婆田蕊妮除咗讚好之外，仲話到時會陪阿澤去沙灘。

其實阿澤早年為拍《豪情2》時，都試過用半年時間減去28磅，外加人魚線，有圖有真相引起一片譁然，而阿澤當時亦有大方分享「杜氏減肥法」。如今阿澤要重拾人魚線，相信絕非難事。