G-Dragon＠BIGBANG平頭裝曝光　 入伍白骨部隊做池昌旭、周元後輩

韓國天團BIGBANG隊長G-Dragon（權志龍）仲有3日就入伍喇！韓國男星多數喺入伍前都會為自己剪軍人平頭裝作紀錄，同樣都係粉絲頗為期待嘅一刻，除咗要收藏oppa們平時嘅高清靚圖，當然佢哋嘅當兵照都唔可以少啦！雖然GD就話從軍當日唔會舉辦任何特別活動，不過相信當日仍會有唔少V.I.P（BIGBANG粉絲）到場送GD入伍！

今日網上就流傳一張圖片，圖中GD就剷咗個平頭裝，仲要望住鏡頭甜笑，直擊一眾V.I.P心臟！雖然GD好耐之前就已經試過剷平頭，不過唔確定呢張圖入面嘅GD係咪為咗入伍而剪髮，不過GD就變成平頭裝都阻擋唔到佢本身嘅美貌！

另外，據相關人員透露，GD將於2月27日加入位於江原道鐵原陸軍3師團嘅白骨部隊新兵教育隊，以現役正式入伍。白骨部隊有「魔鬼部隊」嘅稱號，訓練口號更是「只有抱必死決心投入戰鬥才能生存」，訓練好辛苦，而白骨部隊新兵教育隊更係目前演員池昌旭以及周元作為助教服役嘅地方，相信3人共同經歷服役時期都會成為關係親密嘅前後輩。而GD預計將於2019年11月26日退伍，BIGBANG成員太陽就將於3月12日以陸軍現役入伍。

更多圖片

BIGBANG勝利拍Netflix劇YG FSO　改造BLACKPINK、iKON同WINNER？

下載《香港01》App，更多韓星靚相、影片率先睇！

http://bit.ly/HK01_App

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/