【生無可戀的貓樣】日本網紅肥貓出寫真　主人：有絕密照片公開！

正如黃子華的「魚蛋論」，「做咩大家買串魚蛋（一樣）咁多錢，佢串魚蛋多我兩粒㗎？」最好係點呀？最好就係大家一齊少兩粒。

自己唔開心時，最好係點呀？最好就係大家一齊唔開心，而或者搵個比自己更唔開心嘅人，令自己開心番。太玄妙太難明？買本日本網紅肥貓Guppy嘅最新寫真集，望真啲佢個生無可戀嘅貓樣，你就會明！

你睇吓日本網紅Guppy個貓樣…

呢隻日本貓貓，就可能在你爛心情時幫到你。Guppy貓貓是男孩子，現年5歲，是一隻被救起的雜種貓。牠的主人在IG對牠唯一的簡介就是「肥」。

為何Guppy長得一副又愁又老尷的樣子？全因牠的一對豆豉眼。但正正因為一對豆豉眼和肥嘟嘟，令牠唔覺意成為網紅，IG上有10幾萬followers，仲出版了「肥貓寫珍集」，照片全由牠的主人拍攝，當中有Guppy最私密的一面。訂購網站更寫明可以運送到香港，仲會送貼紙和文件夾。恭喜晒，大家終於搵到比自己更愁嘅貓墊底喇。