【EXO】伯賢：「唔明人們點解抑鬱」被轟　今於IG公開道歉兼解釋

EXO喺12月30日就舉行咗2017年最後一個粉絲簽名會，而當中伯賢就因為講錯嘢「唔明人們點解會抑鬱」被轟，原因呼之欲出，真係好容易令人聯想起SHINee已故成員鐘鉉因抑鬱症而自殺一事，由此引起大眾廣泛討論。

當時伯賢喺粉絲簽名會上就同EXO-L（EXO粉絲名稱）提及有關抑鬱症問題，伯賢說：「粉絲成日都會同我傾偈，當中好似都有患上抑鬱嘅人，我唔明佢哋點解會患上抑鬱或者失眠。雖然我唔係要批評啲咩，都知道大家唔能夠時時只諗住開心嘅事，身邊仍然有好多可以令自己開心嘅人，好似EXO成員咁，仲有如果睇到我會笑就好了。」其實伯賢本意並唔係攻擊或者對患有抑鬱症嘅人有意見，相反地而係想鼓勵患有抑鬱症嘅人，但就因為口誤被大眾喺網上瘋狂。

而今日伯賢大約喺香港時間4點通過個人Instagram澄清以及正式向公眾致歉。

伯賢寫下「關於12月30日喺粉絲簽名會現場中，我想為我嘅發言親自道歉。

其實我最近好驚抑鬱症，亦對此好敏感

但係現場我同嗰位粉絲傾咗好多之後開始好擔心，亦都愈嚟愈驚

我想令到我的粉絲開心，簽名會上本應充滿住開心嘅氣氛，佢同我講完呢番說話之後，我先感覺到情況都幾嚴重，我感覺到好似今日同呢位粉絲分開之後，就無機會再同佢傾偈

因為佢話鍾意我，所以我諗住即使只係講多一句都想可以安慰到佢，讓我嘅說話成為佢嘅力量，所以當時就想點都為佢做少少嘢

同呢位粉絲傾完之後直到簽名會完咗我都仲係諗緊呢件事

除了嗰位粉絲之外，相信現場都應該有患上抑鬱症或者有唔開心嘅事嘅粉絲嚟咗，當然EXO會在旁邊，希望講出可以令大家加油嘅說話，但係喺呢個過程當中，因為我嘅輕率講咗啲說話

未能喺短時間內整理好我嘅心情再好好傳達我嘅說話，係我能力不足

我都好後悔點解我會喺嗰時講咗呢啲說話，揀咗呢啲詞語，我真係只係出於想安慰佢以及為佢加油嘅心…

依家寫呢篇文時，我都好驚會再寫錯嘢又再失誤

但係我係真心想道歉

對嗰位粉絲感到十分抱歉，亦跟因為呢件事而受傷嘅所有人致歉

以後會更加小心說話以及行動，成為更小心慎重嘅伯賢」

[KBS歌謠大祝祭]EXO燦烈掉轉報紙睇?　SHINee鐘鉉紀念片段超洋蔥!

下載《香港01》App，更多韓星靚相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/