《MBC演技大賞》俞承豪送抱畀L@INFINITE　Wanna One重演名台詞

Wanna One成員姜丹尼爾同邕聖佑雖然去咗隔離台《SBS演藝大賞》，但係Wanna One全隊11子：姜丹尼爾、朴志訓、李大輝、金在奐、邕聖祐、尹智聖、朴佑鎮、裴珍映、李大輝、HOTSHOT河成雲、NU'EST黃旼炫同賴冠霖，就以「本年度話題人物」幫《MBC演技大賞》拍片，更扮MBC名作再講埋入面嘅名台詞！其中姜丹尼爾扮《貝多芬病毒》的金明民，而李大輝就扮《善德女王》高賢廷。其實搵Wanna One拍呢條片嘅原因，係因為朴志訓8歲時作為童星曾經拍過2006年嘅《朱蒙》，入面嘅眼淚演技令人讚不絕口，而佢細個同BIGBANG隊長G-Dragon，參加綜藝鬥快流眼淚時更贏埋GD，演技絕對唔差，希望在不久將來好快可以見到長大嘅朴志訓拍韓劇啦！

至於MBC今年的重頭作《Missing9》亦再有演員獲獎，崔泰俊憑住崔泰浩一角贏得《MBC演技大賞》的「最佳反派角色」！崔泰俊領獎時表示：「多謝天父爸爸！拍攝《Missing9》期間真係好凍，又要跳落大海，又有強風機吹住，大家都好辛苦。喺拍攝過程中，我有好大野心想挑戰演技，好彩有好多工作人員、同僚嘅照顧以及幫忙。希望下次唔使再跳入海，可以扮一次富家子弟。」之後崔泰俊都話自己，其實係講下笑咋！

繼少女時代完約成員徐玄（又譯：徐賢）獲得《MBC演技大賞》的女新人獎後，同是idol出身的INFINITE成員L（金明洙）就以《君主－假面的主人》獲得「最佳斗魂演技獎」。而十分湊巧係由《君主－假面的主人》的男主角俞承豪頒獎畀L，L上台後俞承豪都即刻送咗個擁抱畀L！而L@INFINITE就表示：「拍攝時唔止我一個辛苦，好多工作人員都好辛苦，加上喺好凍嘅天氣下進行拍攝，真係好感謝大家！」

《君主》呢一幕都好值得L@INFINITE在《MBC演技大賞》攞獎

[MBC演技大賞]柳俊烈南志鉉出場行錯位　徐玄@少女時代先奪新人獎

下載《香港01》App，更多韓星靚相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/