黃翠如43歲生日大曬夫妻合照放閃　蕭正楠半裸騷肌：請笑納

黃翠如與蕭正楠（Edwin）結婚6年一直非常恩愛，近日屢傳二人造人成功，黃翠如出席活動時打扮同舉止都充滿孕味，日前她接受《香港01》訪問時亦未有否認懷孕傳聞，只是強調「都係睇個天」。昨日（23日）是黃翠如的43歲生日，老公蕭正楠在社交平台大曬合照放閃，又附上一張自己半裸上身的騷肌照，作為給老婆的「生日禮物」：「和她的第十個生日，感覺猶如第一個生日，你...要一直幸福🌈🌈唔好意思，唔小心放錯咗張相添，生日禮物請笑納🤣」黃翠如亦有留言：「唔小心放錯嘅生日禮物，好似過咗期喎🤔🤔🤔」

而黃翠如就曬出同老公的合照，並寫道：「健康，平安，喜樂❤️」相中所見，黃翠如趴在蕭正楠的背上，兩人都笑容滿面，幸福滿瀉！不少圈中好友都有留言送上祝福，當中陳自瑤（YoYo）留言道：「咁好嘅老公邊度搵！♥️♥️㊗️㊗️so sweet」而連詩雅亦寫道：「Happy birthday jeiiiiii，繼續幸福快快樂樂健健康康。」