【有冇唔辣貴刁】大阪高達餐廳搞事推出：碟飯冇落鹽軍用餐
貴刁辣，可大可小！最近大阪Gundam Square則相反推出「太空母艦因鹽量短缺引至冇啖好食軍用餐」，上菜時刻意減盬，冇味冇道，客人冇投訴。
《機動戰士高達Gundam 00》10週年短片 暗示7月有新作？（點擊進入連結）
上星期日同馬沙打完仗，帶班細路去太空母艦食堂
叫左“駕駛員餐“
“駕駛員餐“嚟到，竟然冇味嘅，小朋友食唔到。
《機動戰士高達》中的太空母艦White Base在衛星7號受襲時急緊逃走，不單只物質補充不足，又接載了太批難民。有一集就講到，因管理不善而在全球最佳太空母艦排名榜中節節下跌的白色基地，母艦大廚田村先生向布拉度警告鹽儲存量不足，更提到「食飯唔夠鹽，打仗都冇力！」，是一個只有資深粉絲才會知道的另類名場面。
大阪區Gundam Square的餐廳竟想到新活動，就是以「按戰況調節每日食材供應」為概念，某些食物會低鹽供應，而艦上成員在上菜時又會講一些原作中跟飲食有關的對白：
「場仗唔知打到幾時，有得食好食多啲。」
「根據布拉度艦長命令，將為客人供應跟駕駛員同等分量的食物。」
「如果覺得鹽量不足，請馬上跟布拉度艦長聯絡，立上為你補給。」
對，減鹽餐是可以要求再加鹽的，雖然有點沒事找事做，但這就是去Gundam Cafe的樂趣。
「田村料理長的五時花六時變駕駛員午餐」Menu概要
提供開始日：2017年6月13日起
費用：1,000日圓未連稅
内容：因應當日食材情況，供應不同主菜及湯（可以會有鹽料不足情況）
提供時間：11:00至14:00午餐時段
地點：GUNDAM SQUARE (大阪府吹田市千里萬博公園2-1EXPOCITY)
做人唔可以冇鹽
去AKB48握手會最怕成員「鹽對應」（意指女生嫌宅男成身汗，乾後皮膚上甚至有些白色的鹽粒，握手時表現出反感，即為鹽對應！相反則有神對應及甜對應。）但食飯其實一定要有適量的鹽，鹽主要成分為鈉，身體缺少鈉會引起頭暈乏力、食欲不振、噁心嘔吐、尿量減少、心跳加速、脈搏微弱甚至肌肉痙攣及頭痛等症狀，重症者可能會休克昏迷，長期缺鹽會易患心臟病，所以每人每日應攝入3g鹽。