中年好聲音2|史上最mean 伍仲衡彈梁浩賢唱歌:冇人性冇血肉

撰文:林迅景
出版:更新:
《中年好聲音2》今晚(12/11)一集到25位選手PK賽,每人都需要自選一首歌再由評審評分。這一次有表現好的,也有表現失準的,當中出名要求高的伍仲衡和張佳添等也沒有因此而放過一班參賽者,評語可說是「句句到肉」。

其中到了梁浩賢演唱《可惜我是水瓶座》時,已見到坐在台下的伍仲衡搖晒頭。表演後車婉婉問李浩賢為什麼會選這首歌,他就回答:「我問過好多人,畀好多人聽過,佢哋都話OK。」伍仲衡就說:「我想問你,你唱過畀佢哋聽?佢哋跣你啦!」
伍仲衡續說:「首先我覺得好硬邦邦,好似木頭咁,每一句都係一樣,冇咩人性冇血肉。我搵唔到畀分畀你嘅地方。」肥媽也忍不住開口,但卻不是安慰梁浩賢,她說:「佢哋冇答錯你,你隻歌OK啦,就真係只係OK啦。」伍仲衡又說:「冇靈魂!你話係咪?」肥媽罕有地附和了伍仲衡,說:「我真係好少同意佢,真係冇血肉。」