小犬｜炎明熹處女騷將開鑼不斷發噩夢　Gi炎粉備大量零食飲品慰勞

颱風小犬逐步逼近，天文台表示三號風球會在7號日間大部分時間繼續。炎明熹10月7及8日在九展舉行首個個人演唱會《炎明熹Gi-FORCE》，處女唱會否受颱風影響亦是未知之數，GIGI開騷在場心情似乎未受影響，更開LIVE與GI炎粉傾計。

天文台表示三號風球會在7號日間大部分時間繼續，即使小犬曾經過台灣一度減弱，但風眼7號凌晨重新形成增強為強颱風，並繼續移近香港。GI炎粉為力撐偶像，早已準備大量食物飲品慰勞台前幕後工作人員，而GIGI在6號晚突然開直播，邊食牛腩瀨粉邊與FANS傾計，笑晒口說：「打風又有咩好怕喎！」，又指父母及弟妹將會齊齊來港撐場。不過她亦坦言近日不斷發噩夢，瞓醒眼角都有流下淚痕。