【三個傻佬學煮餸．梅蘭菊竹】蘭生幽谷，夜欄月靜，無人自芳

蘭，一個字，聯想一道菜色，你會點煮？

Jeffrey諗到，嘩！藍色嘅海洋！紅色嘅蓮霧！

仲要加埋Perrier有氣礦泉水！搞邊科呢老友？

Jim再次文青上身，蘭花，唔係爆靚嘅蘭花，係清幽低調嘅蘭花！

靚有好多種，蘭花，靜而美。電影《似水流年》裏面嘅顧美華，就係嗰種氣質。

Jeffrey一頭霧水，佢係乜水？畢竟，Jeffrey又後生，又喺南非讀書，有眼不識泰山，也不識顧美華。Eric最老，當然識貨，好鍾意《似水流年》嗰首歌添，仲唱埋出嚟：望著海一片，滿懷倦，無淚也無言…

好啦，發完夢，返嚟啦！

大家一致贊成，清爽輕盈係重點。Jeffrey話用雪梨刨絲，加少許冷麵，再用不同顏色嘅鲜果，打出清新醬汁。Eric老作，起名「夜欄月靜」，大家想一想，就加了一個「月光」在前堂；有意境、有睇頭、仲好好食！

（文章純屬作者意見，不代表香港01立場。）