新警察故事2｜成龍再演香港電影　謝霆鋒做導演預埋阿Sa原班埋位

《新警察故事2》今日（14日）於香港國際影視展舉行發布會，電影在接近二十年後，繼續由成龍與謝霆鋒於《新警察故事》領銜主演，電影由成龍監製、更將由謝霆鋒執導，齊集當年的演員原班人馬演出。

成龍罕有在香港現身，與謝霆鋒一同登上發布會台上時，成龍首先以普通話分享再次拍攝香港電影的原因：「首先是『警察故事』這四個字，因為《警察故事》當時我花了很多的心血。也因為是受到世界影迷喜歡的一個系列。」他續指：「但最重要的是，這次謝霆鋒做導演，吸引到我了！」

同台的謝霆鋒聽畢，笑指：「全部都係大哥嘅安排！但係因為確實係一個二十年前嘅情懷，我哋都希望延續到呢個故事，所以大哥話咩就咩啦！」

而飾演女主角的阿Sa蔡卓妍被問及演出內容時則笑指：「其實我乜都唔知㗎！哈哈！係有一日謝生打畀我話『《新警察故事2》預埋妳喎！』我話『好啊！』就係咁囉！」