余迪偉半裸照登艾粒演唱會發文鬧爆：呢單嘢係性取向同職場歧視﹗
撰文：洪曉璇
出版：更新：
艾粒兩位成員少爺占同當奴，2月9日晚於九展Star Hall舉行一連四場艾粒part 2演唱會，不少圈中人都有到場支持，但同屬商台DJ的余迪偉，卻在SHOW後發文怒斥二人「你地都有頭有面有地位，仲玩？」
多年來艾粒都有以「迪偉後花園」「迪偉俱樂部」作搞笑橋段，從余迪偉上載的照片見到艾粒part 2演唱會舞台大螢幕，有一張余迪偉赤裸上身浸溫泉照片，並打上「迪偉同你浸溫泉」字眼，但原來艾粒事前並未得到本人同意取用照片，令余迪偉嬲到於社交網鬧爆艾粒：「Enough is enough! 你哋都玩咗咁多年啦，我都冇出聲咁多年啦，你哋都有頭有面有地位，仲玩？呢張相係我IG嘅，有冇經過我同意上你哋個大台去賺錢呢？呢單嘢係性取向歧視同埋職場歧視！」