何雁詩Ig呻網絡欺凌　 黃心穎撐姊妹：是一種懦弱行為

鄭俊弘（Fred）早前先被爆出曾經有一位拍拖3年的未婚妻Beep，再承認與何雁詩（Stephanie）拍拖。雖然聲稱兩段感情沒有重疊，但卻又傳出當時Fred向未婚妻認錯聲帶，故事峰迴路轉。自從Fred上周六出席公開活動後，兩人一直未有再就感情回應。

何雁詩與Fred在機場公開拖手認愛後，今日在Instagram透露一直受到網絡欺凌，用英文剖白心情︰「有時在網上看到惡意留言，說話難聽到連提都唔想提。有啲人可能覺得我應該受到網絡欺凌，又或者我唔應該畀人蝦。但其實我都有感覺，我都會好hurt。」不少網民都安慰Stephanie，叫她堅強面對。連黃心穎都有留言鼓勵對方︰「網絡欺凌是一種懦弱行為，一係面對面講清楚，一係就唔好出聲。」Stephanie亦有多謝心穎的支持。不過有部分網民留言暗寸︰「有無諗過無左未婚夫都好HURT?」，又有人留言︰「唔洗理其他人點講架!!搶人男朋友咋嘛，好閒架咋！」，網民似乎都未想放過Stephanie，繼續曲線抽擊。