導演‧門｜張婉婷讚舒淇有獨特氣質：除晒衫都係清純女子
撰文：陳穎思
出版：更新：
ViuTV節目《導演‧門》新一集請來導演張婉婷做嘉賓，暢談多年來拍電影的趣事，期間談到拍攝《玻璃之城》時，起用舒淇惹起不少爭議，張導卻從她身上看到一個特質，認為非常符合角色，最終成就了黎明與舒淇這對黃金組合。
談起《玻璃之城》，張導說黎明與舒淇之間「超級有火花，擺埋一齊，唔使點做戲」，1998年的舒淇成功擺脫艷星身份不久，但接拍文藝片演香港大學生，仍然引起爭議，不過張導堅持她是最佳人選：「佢演任何電影，唔著衫又好，都有一種無辜，除晒衫都係清純女子」。
《玻璃之城》是拉攏黎明與舒淇走在一起的紅線，張導說當年二人並不相識，男方曾表示欣賞女方，覺得她適合這個角色，但舒淇卻對這位天王巨星不賣帳，對導演說：「「咁你有冇問過我，我會唔會想同佢拍檔呢？」張導為了令兩人更似情侶，要求他們私下約行街食飯培養感情，最終戲侶戲外都成為情侶。