香港空間改造王｜240萬改造3千呎韓烤店　店主最滿意係幅壁畫

開電視節目《香港空間改造王》最新一集，設計師唔改住宅而係挑戰3200呎嘅韓烤店。餐廳開業9年，由於當初資金同時間不足，所以抽風系統嘅分佈做得並唔算完善，為咗遷就炸燼位置，一啲小嘅抽風喉管，喺天花板縱橫交錯，雖然唔影響抽風效果，但增加咗清潔難度。

店主今次嘅要求係要令接待處、收銀處更明顯、增加存物空間、保留兩間VIP房、保留韓國特色。由於手停口停，所以今次改造工程要喺5至6星期內完成。由於有唔少改動，所以設計師需要同專業牌照顧問商討改動是否合規格。

整個翻新工程最後埋單承為248萬，基本上所有店主嘅要求都一一做到，而為咗展現出韓國文化同香港本土情懷，設計師仲搵咗本地漫畫家及甘小文同林祥焜畫咗幾副大型壁畫。喺驗收成果時，店主表示最滿意係兩幅壁畫，而另一位店主就大讚接待處位置夠明顯，亦大讚韓烤店變得好新淨。