【影視博覽】拍《狂獸》張晉落水戰力即減　林家棟避武鬥怕超支

製作經年、斥資過億的動作電影《狂獸》，在灣仔會展香港影視博覽舉行發布會，新晉導演李子俊、演員余文樂、張晉、林家棟、文詠珊及蘇麗珊等，列陣為新片做勢。

李子俊作為編劇多年，首執影筒已負責一個過億的項目，又獲鄭保瑞班底支持，被問及感受如何時，他毫不諱言說：「由寫劇本、拍攝到後期製作，我都感到很興奮，演員由水面打到水底，更加很感激。」該片是警隊與水上人兩派內鬥，群雄奪金奪到潛落水底，是少有拍攝風暴及巨浪的本地製作。

為向高難度挑戰，演員付出更出，今次樂仔余文樂與張晉倒轉，輪到他飾演反派角色，但向來有潛水經驗及牌照的樂仔都話有難度，「我從未試過拍ending拍一個月，要先在韓國整隻船，之後到水底又要搵好大的地方，入滿水再放隻船入去拍。況且，一日唔可以潛咁多水，因為個肺會唔得。」可想而知，要拍潛水加動作戲有幾辛苦。

而一身好功夫的張晉都怕潛水，皆因在水中他會戰鬥力大減，更難與樂仔決一勝負。家棟今次較少參與武打場面，他為自己開脫說：「導演同我講，如果我再打就超支。」至於Janice Man文詠珊近年越來越多動作戲，卻覺得這次不算多，「我同導演講，我打得少呀，不過都有驚險鏡頭，要吊四層樓高威吔，吊上吊落速度好快。」