陳安立向前東張女神林希靈求婚成功　甜蜜曬戒指︰餘生請多多指教

ViuTV藝人陳安立（Brian）宣布向前TVB「東張女神」林希靈求婚成功！二人於周一（4日）同步在IG出po，Brian寫道︰「’They said when you meet the love of your life,time stops. And that's true. What they don't tell you is that once time starts again, it moves extra fast to catch up.’-Big Fish 求婚時候，我邊拿著手機，邊説著情深説話。一直以為有錄影，卻原來從沒有Roll機。無辦法，唯有用餘生慢慢再説。」

而林希靈就寫道︰「’When you realize you want to spend the rest of your life with somebody, you want the rest of your life to start as soon as possible’ 12點正，新一年，你突然拎起手機自拍，問我有咩願望。我：身體健康。你：仲有呢仲有呢？我：世界和平囉！你擘大個口呆左，呢個樣足夠我回味很多年。我最好的朋友，餘生請多多指教」，二人都齊齊po甜蜜合照兼大曬求婚戒指，不少藝人如陳凱詠（Jace）、許家傑、陳婉衡和蔡思貝等等都有送祝福，可見二人在圈中人緣好好。當中以「Patrick Sir」林溥來對林希靈的留言最搞笑，他說︰「Finally! 終於有人認領喇！Congratulations! But Good luck Brian.」

林希靈透過經理人回覆《香港01》時表示多謝大家的祝福，又大爆Brian求婚過程好蝦碌又搞笑，林希靈說︰「因為約佈置嘅人又約錯咗時間，本身約夜晚，但係喺求完婚第二朝佢哋先嚟，佢臨求婚之前又係咁問我新年願望，佢想我講『新一年想做人妻』，但係我又唔知佢講乜喎，所以我就不停同佢講想身體健康、世界和平，先見到佢呆咗，然後支吾以對拎咗個戒指出嚟，我先知原來佢係想求婚！成程佢就自己拎住個電話想記錄一切，求完婚先發覺原來一秒都冇錄到，所以我覺得求婚過程係搞笑同難忘嘅，同埋應該都會一路記住嘅。」她又透露他們已book好年尾結婚和擺酒。恭喜晒！

點擊下圖睇吓更多二人合照同埋林希靈嘅靚相︰

同場加映︰細數TVB的十位緋聞女王排名榜　陳曉華排八蔡思貝穩企第一位