姜麗文不負爸爸秦沛之名　衝出香港赴美拍攝：第一個荷里活角色

又一香港演員衝出國際打入荷里活﹗生於演藝世家的Lesley姜麗文，入行12年，曾在日本電視台工作，又做過歌手，近年在TVB劇接劇演技受到肯定，她在IG上載新相，自爆已衝出香港正在美國拍攝：「我第一個荷里活角色﹗」

秦沛囡囡Lesley雖為星二代，但多年來喺娛樂圈靠自己打拚。精通六種語言，曾喺東京生活兩年幾兼做過日本NHK兒童節目主持，又憑創作識落唔少日韓藝人，仲曾經傳出同山下智久以及2PM成員 Jun K（金閔俊）拍拖。近年加入TVB演戲潛能漸被發掘，憑無綫處境劇《愛．回家之開心速遞》飾演外傭（Lisa）一角彈出，更在台慶頒獎禮奪得「飛躍進步女藝員」﹗

Lesley上載一張在身穿便服，手拿咖啡及劇本，站在大型保保母車梯級上照片，笑得見牙唔見眼非常興奮，留言透露：「我第一個荷里活角色，好開心機會就嚟到我面前。係咪好興奮呢？」限時動態中又有一張疑似拍攝藍幕及綠色貼紙的背景，似乎新片會有特技場面。