940920︱觀眾不滿TVB常用情節出現　「可否禁止所有ViuTV劇咁拍」

劉俊謙、蔡思韵和吳海昕主演的ViuTV《940920》昨晚（14/3）第六集突然筆鋒一轉，不但上映朱栢康（飾演月）監生打死黃溢濠（飾演魚蛋）一幕，亦出現了劉俊謙（飾演余家聰）突然向着「試當真」三大主腦游學修、許賢和蘇致豪怪叫，行為似足YouTuber 「劉馬車」的畫面，令人大感意外！而今晚（15/3）一集的劇情亦有地方睇到觀眾「黑人問號」，情況最嚴重的絕對是蔡思韵（飾演林楚凝）穿越至2013年後的一幕，劇中的她因為被朱栢康燒毀即影即有相片，所以無法順利回到2014年，之後她竟然無端端頭撼燈柱搞到失憶，甚有無綫（TVB）劇集味道！不少網民亦在ViuTV官方Facebook專頁投訴：「最失望係睇到楚凝穿越後撞親個頭，我已經諗緊唔會係失憶咁老土啩，點知原來真係玩失憶」、「可唔可以禁止所有ViuTV劇出現失憶嘅情節」。不過，不少觀眾都大讚後半部份非常出色，懸疑感十足，既開始揭示兩個時空的劉俊謙有何關係，亦開始交代朱栢康得到穿越能力後如何實現殺人大計。

點擊下圖觀看相關圖片：