傳李佳芯Ali曾一腳踏兩船　與陳炳銓未分手已密會蟲草大王

無綫（TVB）視后李佳芯（Ali）去年11月傳出與「蟲草大王」陳恩德（Mark）在酒店密會兩小時，疑似發展新戀情。當時Ali回應《香港01》表示：「跟這個人一直只有生意上嘅合作來往，就係咁簡單。」但呢日有傳媒貼出多張Ali與Mark親密合照，並指二人其實秘戀逾一年。

Ali李佳芯2020年宣佈與拍拖7年的陳炳銓分手，回復單身後傳出被多名高質筍盤力追，陳恩德被外界稱為蟲草大王，早年為名下健康產品創造「藥箱都變成首飾箱」金句，成為一時佳話。去年有人影到Ali與Mark現身九龍站一間酒店，密會2小時後同坐男方七人車離開。

有自稱Ali姐妹的讀者報料，指前年尚未與陳炳銓分手，Ali已跟Mark過從甚密，更在20年聖誕節，現身Mark於九龍塘畢架山豪宅內的草地，Mark更準備人造雪景氹得Ali相當開心，而Ali社交網亦喺兩個月後見到同一衣着及Background嘅落雪相。網上更流出一批Mark以「男友視角」拍攝Ali的靚相，又花盡心思設計「心」字圖案拎人鑲嵌成鑽石心口針，送給Ali做訂情禮物。就事件《香港01》有聯絡過ALI，截稿前未獲回覆。