炎明熹否認工作過勞導致生病跌倒：唔覺自己冇放假

炎明熹（Gigi）與譚俊彥（Shaun）一起出席商演活動，不過Gigi因生病，令活動延遲開始，期間更不慎跌倒，事後Gigi接受傳媒訪問：「講起跌低真係好瘀，就係有少少腳軟，之後就跌低，然後有一位暖心男神就出現咗。」在旁的Shaun續說：「我係驚佢著裙就走光，我一路同佢講，『妳好多Fans喺到，冇事嘅，好小事』。」

現場Gigi不斷眼泛淚光，Shaun認為是一件正常的事情，而Gigi笑言：「眼太淺，同埋我覺得大家今日嚟到係想支持自己嘅偶像，我覺得有啲尷尬，然後我一嚟經理人知我唔舒服，佢哋（Fans）明白，知我唱歌話會一齊唱，再加上現場幫我打氣呢個舉動好感動。」

Gigi工作忙不停，又唱歌、拍劇和商演等，這是令她休息不夠的主要原因，她說：「我覺得唔關工作事，我唔覺得自己冇放過假，如果你話係咪工作令到自己咁，我又唔覺，因為呢個工作係我興趣，所以唔覺自己冇放假。」