全民造星IV︱梁祖堯任由高質囡囡永不超生　網民瘋狂炮轟太有私心

ViuTV選秀真人騷《全民造星IV》昨晚（19/11）播出的第十五集公布60強名單，不少跌入復活區的高質美少女未能「翻生」，亦有一班未得網民歡心的參賽者晉級，而網民便將矛頭指向導師梁祖堯。

全民造星IV︱60強最終名單一文睇晒　邊位靚女最啱你心水？

在Facebook群組「造星評議會 – 全民造星討論區」中，不少網民發文怒斥「梁祖堯親手造星」、「梁祖堯玩晒」，挑選準則未能符合與組女團宗旨，又指他復活「重讀生」方方（方芷欣）和39歲四子之母Ling（謝裕玲）充滿私心，前者感情分多於可能性，後者與他同樣是演藝學院出身，正宗是「識人好過識字」。

「連登討論區」亦有大量網民不滿結果，更有人開Post倡議《全民造星II》陳潔靈（Miss Chan Chan）參加今屆《造星》，指她完美符合梁祖堯口味：「要年紀有年紀，要短髮有短髮，要唱有《白金升降機》，要關係有關係，要有Gimmick有Gimmick。」也有不少網民湧入梁祖堯的IG留言勁鬧：「眼光真係好差，非常失望」、「方方你都救得落，你問下自己良心對唔對得住阿妹、Yanny」、「39歲做女團？做得評判導師唔該公道少少，識你就可以入圍，不如叫全民造馬啦」。