把關者們︱黃智雯演技大爆發！　崩潰情緒逐級遞進觀眾睇到眼濕濕

雖然黃智雯在無綫（TVB）劇集《把關者們》中，以第一女主角身份飾演總貿易管制主任「阿Yan／Madam Kwan」，但她發揮空間卻不及第二女主角王敏奕，搞到不少觀眾戥她唔抵，幸好黃智雯前晚（4/10）和昨晚的情節中有不少爆發演技的機會，其中一幕崩潰爆喊戲更達「視后級」功力！

黃智雯在劇中與飾演「鋒Sir」的袁偉豪屬夫妻關係，前晚播出的第16集便講述黃智雯做產前檢查時發現BB胎死腹中，未能走出陰霾的她昨晚第17集更將抑壓多時的情緒一次過爆發，當她發現BB房被清空後，便立刻尖叫鬧袁偉豪「你有冇問過我」，忍不住爆喊的她之後更愈喊愈激動，連番講出令人心碎的對白：「係我害死BB」、「係咪BB知道我唔鍾意佢，佢唔想我做佢媽咪」、「我真係好唔捨得個BB」、「你可唔可以叫佢返嚟」，情緒層次逐級遞進，令觀眾不禁睇到眼濕濕。而黃智雯之後一幕街頭擁抱戲亦盡顯演技，當她聽到袁偉豪說了一句「只要你OK，我就OK」後，淚珠立刻以九秒九速度從眼眶流出，絕對是技驚四座。

點擊下圖觀看黃智雯演技大爆發畫面：

把關者們︱黃智雯多次同視后擦身而過　盤點近5年角色多演Madam