林鍾百萬大戰｜林作媽媽自費入場帶七仙羽助陣：一邊睇一邊作法

林作與鍾培生的「百萬大戰」於今晚（9月18日）盛大舉行，現場除了有不少圈中人到場睇騷之外，原來林作媽媽也有到場支持，為了寶貝兒子的勝利，她更邀請「秘密武器」七仙羽到場！

林作媽媽接受《香港01》訪問時，表示自費買了$6,888的座位邀請七仙羽到場，她說：「七師傅好緊要㗎，一路都喺念緊經。有師傅喺度，一啲都唔怕！」林作打贏之後去哪裡慶祝？她回答會找林作一起去打邊爐。會不會叫埋鍾培生？她說：「我都想（叫埋鍾培生），一陣間傾吓。」七仙羽表示會一邊睇賽事一邊作法，被問到會念什麼經文？她透露：「『難念的經』，（因為）啲經好難念㗎。」