木村拓哉神還原《悠長假期》掉波經典場面：當年只係拍咗３次
撰文：鄺鈺瑩
出版：更新：
木村拓哉近日為新戲《假面飯店2:假面之夜》而四出宣傳，喺最新一集綜藝節目《人類觀察學》，木村拓哉應主持人要求重現25年前喺日劇《悠長假期》中，由3樓掉下彈力球然後接回的經典場面。由於機會只得3次，所以木村大神都表示十分緊張。「那時只拍了3次，節目比5次機會我唔好咩？」
喺挑戰開始之前，木村提到當年拍攝時，導演本身拍咗好多個不同嘅彈力球鏡頭，但最後由動作導演坐上吊車，由高空向下拍攝，一shot完成，原定要拍攝到零晨4點收工，結果因為呢個shot，令大家都可以提早收工。
想完當年後，木村拓哉正式挑戰彈力球然，企喺三樓嘅佢掉出接連掉出兩球都接唔到，令大家都感到十分可惜，而最後一球更直接掉出邊界，被問到心情如何時，木村直言：「最糟糕」，直當大家準備收隊時，木村接到再掉一次，並表示自己會隨意一啲，結果成果還原了經典場面！但由於已經超過了三次嘅機會，所以挑戰依然被當作失敗，愈講愈可惜嘅木村，又再一次掉球，然後……又成功接回彈力球，畫面十分爆笑。
點擊睇木村神還原場面
+13