叮肉燥飯竟大爆炸？呢啲食材唔入得微波爐　媽媽必學清潔方法

微波爐是家居常見的廚房設備，近日有網友分享，把肉燥飯放進微波爐翻熱後，竟然導致「大爆炸」！究竟什麼食物不宜放進微波爐？媽媽使用微波爐時，還有什麼注意事項？

肉燥飯大爆炸

日前一名網友在Dcard討論區發文，表示「我只是正常的使用微波爐，哪知道微一個我的午餐瞬間都沒了，打開一整個傻爆眼」。從照片可見，微波爐裡原有一碗肉燥飯，以及配料滷蛋和貢丸，惟翻熱後飯、肉燥和滷蛋四散，碗裡只剩一口飯。有網友估計是碗裏的滷蛋是元兇，提醒一定要切開才能放入微波爐。

雞蛋、辣椒唔叮得

香港營養師學會（HKNS）認可營養師李杏榆指，現時未有正式研究，明確表示微波爐會引致癌症，惟要注意，不當使用微波爐或會釋出致癌物。「當容器或盛載食物的器皿是發泡膠，或是不可放進微波爐的塑膠、保鮮紙、錫紙，便有機會釋出致癌物質。」

按圖即睇不可放進微波爐的食物

🔼🔼🔼🔼好多人都會用麵包當早餐，但原來日日食麵包對健康都有影響👉🏻👉🏻👉🏻👉🏻兒童不宜麵包天天當早餐　中醫提醒注意影響脾胃有礙發育長高👈🏻👈🏻👈🏻👈🏻🔼🔼🔼🔼

按圖即睇食安中心翻熱貼士

她補充，除了容器的使用，也不是所有食物適宜放進微波爐。「雞蛋、生果，尤其是提子、辣椒，都好容易爆；叮水嘅話，亦容易令水短時間超熱，但未必均勻，可能面層熱，個底仲凍，煲水都係建議用返水煲。醬汁例如茄汁、白汁，都係好容易彈，如果想叮，都唔好叮咁耐，或者先蓋上蓋子。另外唔好諗住貪方便，就咁叮未解凍嘅肉，可能面頭熟咗，入面未熟。除非有解凍模式，如果只係可調較溫度，就不適合用作解凍。」她又提醒，如果微波爐內沒有食物，「自己叮自己」，更可能引起爆炸。

按圖即睇微波爐清潔貼士

微波煮食　營養流失少

若果以微波爐煮食，會否令食物營養流失？李杏榆解釋，單從營養角度，微波煮食反而比烹煮優勝。「如果長時間烹煮，如煲湯、燘食物，愈是溫度高、持續得愈久，便會愈多水溶性維他命流失。使用微波爐的時間多數很短，水溶性維他命反而冇流失得咁快，脂溶性維他命、礦物質、纖維更唔會影響太大。」

她建議，以微波爐煮食前，要先把食物充分解凍。而翻熱食物時，更要注意攪拌。「叮完之後，食物的熱度未必很均勻。所以叮隔夜餸菜時，最好是叮一、兩分鐘，打開蓋，攪一攪佢，底面轉、攪攪醬汁。如是肉類，要轉一轉方向，等熱力可以均勻啲。」

🔼🔼🔼🔼小朋友早餐食咩好？即睇營養師推介👉🏻👉🏻👉🏻👉🏻開學早餐│營養師推介學童早餐　4款食物增加專注力改善睡眠質素👈🏻👈🏻👈🏻👈🏻🔼🔼🔼🔼

點圖即睇營養師推介提升專注力及有助安睡食物