全民造星IV︱花姐講明會加《延禧》劇情 戴穎接捧做女團經理人
ViuTV王牌選秀節目《全民造星IV》今年選拔全能女團，公開招募起反應熱烈，據悉已收近四千份報名表，周五（16日）舉行即場報名造勢，節目監製花姐（黃慧君）今日攜已任命的未來女團經理人戴穎（Wing）亮相，花姐大讚Wing揀女仔的眼光十分準確：「例如Hanna（陳漢娜），我之前唔識Hanna，直到Anson Lo（盧瀚霆）嘅《不可愛教主》先發現原來呢個女仔咁好！」Wing亦期望透過《造星》找到有內涵的參賽者。
全民造星IV︱KOL強勢參戰搏入女團 193親生妹郭嘉盈玩埋一份！
談到二人認識的淵源，花姐就透露是因為MIRROR結緣：「我做MIRROR經理人嘅時候完全冇經驗，魯生就搵Wing幫手，點知佢放咗飛機；後來真正認識佢之後都好想佢幫我照顧MIRROR但佢都拒絕，直到今次。」Wing指自己做了個艱難的決定：「最後說服自己係新嘅力量，同女團一齊為香港娛樂圈發掘新元素。」
至於花姐早前曾明言抗拒做女團，她透露主因是懼怕Gossip：「我係一個仆X監製，想節目好睇就一定會加啲《延禧攻略》嘅故事劇情，我唔係特登加啲八婆，可能加啲人哋眼中嘅麻煩人，設計劇情令唔同參賽者性格更立體，如果全部好靚又有實力但唔講嘢，個節目亦都唔好睇。」花姐直言經《造星III》後對女性改觀：「發現陳葦璇、Alina都可以好熱血、力量比男仔更強、又冇乜是非，所以可能係我對女性一直以來有偏見。」談到今年改變想法的原因，她直言希望《造星》可繼續為娛樂圈貢獻一點力量：「近年為MIRROR同電影公司傾工作，佢哋話後生女演員好似斷咗層，咁我就希望搵有潛質嘅女仔入行。」
《造星》果然是ViuTV的王牌真人秀，光是公開招募已在網上引來熱烈討論，花姐直言今年破紀錄收近四千份報名表：「冇諗過咁多人報名，Casting已經比之前多兩、三日，但都冇可能睇到四千個，所以都經過篩選，有啲form都唔識填，有啲個樣好似我咁又冇觀眾緣，就無謂嘥大家時間。」至於有聲音質疑節目「造馬」，KOL可「乘快線」獲面試機會，花姐指：「出名啲嘅快啲嚟報名，就係無乜；其實素人都係我哋想要嘅！」Wing直言一視同仁：「唔關身份背景事，有實力、慾望、個人特色係首選。」
談起近來無綫的《聲夢傳奇》話題度不俗，更捧起Chantel、炎明熹、Yumi等少女，今季辦女團會否怕有比較，花姐自信說：「我從來都唔會比較，始終大家做嘅嘢唔同，佢可能要造一個專業歌手，而我哋係想打造一個好實在、真實嘅偶像，兩個唔同性質亦都唔使比較，有良性競爭可能仲好。」