Anson Lo粉絲團斥資6位數宣傳偶像新歌　100吋LED宣傳車走勻全港

Anson Lo的「神徒」早前斥資租下尖沙咀碼頭五枝旗桿旁的巨型廣告牌為他慶生，連前輩級人馬李司棋都有去打卡，足見教主魅力驚人，不過亦有「前夫」日前到場欲打卡時，驚覺已換上新廣告，仲喺FB群組「我老婆嫁咗比MIRROR導致婚姻破裂關注組」求助。

錯過打卡的前夫們/神徒，機會又嚟啦！隨著Anson Lo日前推出全新單曲《不可愛教主》，後援會又再斥資為教主造勢，打造了流動宣傳車，車身三面除有Anson Lo靚相之外，另外兩側亦有超過100吋的LED大屏幕，將無限Loop 新歌MV，而宣傳車將會喺接下來兩個星期去勻全港。

宣傳車今早現身尖沙咀時，迅即吸引不少路下停下來圍觀，其後亦有神徒到場打卡。後援會負責人Annie表示：「今次約花費了6位數字打造宣傳車，車身兩邊都有LED屏幕，真係唔怕睇唔到，之後仲會有其他嘅宣傳活動，都係可以去打卡。」

睇埋宣傳車有幾架勢以及時間表：

同場加映：Anson Lo盧瀚霆26歲生日　細數你不知道的教主十件小秘密

立即為大家細數Anson Lo你要知道的10件事！